بادام میں فائبر، وٹامن ای اور دیگر غذائی اجزاء موجود ہوتے ہیں اور یہ صحت کیلئے انتہائی مفید ہے۔

ہم میں سے اکثر لوگوں کا ماننا ہے کہ بادام کو پوری رات بھگو کر رکھنا اور پھر اس کو نہار منہ کھانا صحت کے لیے زیادہ فائدہ مند ہوتا ہے۔

لیکن اس کے بارے میں ماہرین صحت کیا کہتے ہیں یہ ہم آج آپ کو بتائیں گے۔

حال ہی میں کی گئی ایک تحقیق سے یہ بات سامنے آئی ہے کہ باداموں کو بھگو کر کھانے کے بعد لوگ اس گری کو زیادہ اچھی طرح چباتے ہیں جس سے زیادہ غذائی اجزاء خارج ہوکر جسم کا حصہ بنتے ہیں۔

  اس طریقے سے ہمارا معدہ ان غذائی اجزاء کو زیادہ بہتر طریقے سے جذب کرپاتا ہے۔

ماہرین کا کہنا ہے کہ باداموں میں موجود اینٹی آکسائیڈنٹس سے متعدد دائمی امراض بشمول امراض قلب اور ذیابیطس ٹائپ 2 سے تحفظ مل سکتا ہے۔

بادام کھانے کی عادت سے جسمانی وزن، نقصان دہ کولیسٹرول کی سطح میں کمی آتی ہے جبکہ بلڈ شوگر کو کنٹرول کرنا بھی آسان ہوتا ہے۔

 بادام بھگو کر کھانے سے اس کا ذائقہ لزیز ہو جاتا ہے، اگرچہ خام بادام سخت اور کرکرے ہوتے ہیں لیکن ان کا ذائقہ تھوڑا سا تلخ ہوتا ہے۔

 اس کے علاوہ بادام بھگو کر کھانے سے انسان کا نظام ہاضمہ بہتر ہو جاتا ہے۔