پالک کا شمار ایسی سبزیوں میں ہوتا ہے جس میں صحت بخش اجزاء وافر مقدار میں موجود ہوتے ہیں جو آپ کی مجموعی صحت کو بہتر بنانے میں اہم کردار ادا کرتے ہیں یہی وجہ ہے کہ پالک کو سپر فوڈ میں شامل کیا گیا ہے۔
پالک میں وٹامن ای، سی، کے، فولک ایسڈ، کیلشیئم اور آئرن کثیر مقدار میں موجود ہوتے ہیں جبکہ اس حیرت انگیز سبزی میں 91 فیصد پانی ہوتا ہے جو کہ آپ کو ہائیڈریٹ رکھنے میں مددفراہم کرتا ہے۔ موسم سرما میں اس صحت سے بھرپور سبزی کو غذا میں کس طرح شامل رکھ سکتے جانتے ہیں۔
پالک پنیر
پالک کے ساتھ پنیر کو ملا کرپکوان تیار کرنے سے ان دونوں کی غذائیت میں کئی گنا اضافہ ہوجاتا ہے، یہ ڈش پروٹین سے بھرپور ہوتی ہے جو جسم کو صحت مند رکھنے میں فراہم کرتی ہے اس لیے سرد موسم میں پالک پنیر ضرور غذا میں شامل رکھیں۔
پالک پاستا
یہ بات سب جانتے ہیں کہ بچے پالک کا ذائقہ پسند نہیں کرتے لیکن پالک کو پاستا میں شامل کرنے سے بچے اس کا ذائقہ پہچان نہیں پائیں گے اس طرح انہیں پالک میں موجود غذائیت جو ان کی صحت کے لیے ضروری ہے آسانی سے فراہم کی جاسکتی ہے۔
یہ بھی پڑھیں: پالک کھائیں صحت بڑھائیں
پالک سلاد
اگر آپ کا تعلق ایسے افراد سے ہے جو وزن کو توازن میں رکھنے کے خواہشمند ہیں ساتھ کچھ اچھا اور غذائیت سے بھرپور کھانا لینا چاہتے ہیں تو پالک سب سے بہترین انتخاب ہے یہ سلاد آپ کو تمام تر غذائیت فراہم کرے گی۔
پالک جوس
قدرت نے تمام ہی سبزیوں اورپھلوں میں ایسے غذائی اجزاء رکھیں ہیں جو آپ کی مجموعی صحت کو برقرار رکھنے میں مددگار ثابت ہوتے ہیں لیکن کچھ پھلوں اورسبزیوں کوملا کر استعمال کرنے سے حیرت انگیز نتائج بر آمد ہوتے ہیں۔
اگر آپ ذائقہ کو اتنی ترجیح نہیں دیتے تو جوس سبزپتوں والی سبزیوں کو غذا میں شامل رکھنے کا ایک بہترین طریقہ ہے، آپ پالک کےساتھ سیب، کھیرا اور لیموں کو شامل کر سکتے ہیں اس طرح سبزیوں کے ذائقے کے ساتھ غذائیت بھی بڑھ جائے گی۔
پالک سوپ
موسم سرما میں پالک کو غذا میں شامل رکھنے کا سب سے بہترین طریقہ پالک سوپ ہے، کریم اورپالک سے بھرپورسوپ کا ایک پیالہ آپ کو گرم رکھنے کے ساتھ ضروری غذائیت بھی فراہم کرے گا ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News