کھانوں میں املی کا استعمال ذائقہ بڑھانے کے لئے کیا جاتا ہے ،املی میں وٹامن سی، وٹامن ای ،وٹامن بی، کیلشیم، فاسفورس، آئرن، پوٹاشیم، میگنیز اور غذائی فائبر بھر پور مقدار میں پایا جاتا ہے۔

املی کا پودا شمالی افریقہ اور ایشیائی ممالک میں پایا جاتا ہے، املی کے پودے کے پتے بھی ذائقے میں کھٹے ہوتے ہیں ،املی کا استعمال متعدد بیماریوں کے علاج کے طور پر بھی کیا جاتا ہے۔

[amazonad category=”Auto”]

غذائی ماہرین کے مطابق مصالحہ جات کھانے کے سبب معدے میں پیدا ہونے والی گرمی اور تیزابیت کا مؤثر علاج بھی املی میں موجود ہے۔

املی میں پوٹاشیم بڑی مقدار میں پایا جاتا ہے جس کے باعث یہ بلڈ پریشر کو کم کرنے میں اہم کردار ادا کرتی ہے ،املی میں موجود فائبر شریانوں سے ایل ڈی ایل کولیسٹرول یعنی منفی کولیسٹرول کو ختم کرتا ہے اور آنت کے کینسر سے بچاؤ ممکن بناتا ہے۔

املی میں موجود آئرن کی وجہ سے خون کے سرخ خلیے بنتے ہیں اور دیگر منرلز اور دھاتوں سے خون میں مادوں کی مقدار متوازن رہتی ہے، املی کی تاثیر ٹھنڈی ہونے کے سبب بلڈ پریشر بھی کنٹرول میں رہتا ہے۔

وزن میں کمی کے لئے املی کا استعمال بہت بہتر نتائج دیتا ہے، املی بھوک کم کرتی ہے اوریہ جسم میں اضافی چربی جمنے نہیں دیتی۔

صحت کے لئے املی کے شربت کا استعمال گرمیوں میں بڑے پیمانے پر بہت شوق سے کیا جاتا ہے ۔

املی کا شربت بنانے کا طریقہ کار:

املی کا گودا 250 گرام ، چینی ایک کلو ، ایک لیٹر پانی ، نمک ایک چائے کا چمچ ، کالا نمک ایک چائے کا چمچ، بھنا اور پسا ہوا زیرہ ایک چائے کا چمچ ۔

املی کو پانی میں ڈال کر گرائینڈ کر کے چھان لیں، اب اس میں مزید 1 لیٹر پانی اور چینی شامل کر لیں۔

اب اسے ہلکی آنچ پر پکنے کے لیے رکھ دیں، جب چینی صحیح سے گھُل جائے تو اس میں ایک چمچ نمک، ایک چمچ کالا نمک اور پسا ہوا زیرہ شامل کر لیں، اب اس مرکب کو ہلکی آنچ پر 30 منٹ کے لیے پکائیں، بعد ازاں اسے ٹھنڈا کر کے ایک کانچ کی بوتل میں محفوظ کر لیں۔

اس شربت کو بنانے کا طریقہ یہ ہے کہ جب مہمان کو پیش کرنا ہو یا خود پینا ہو تو ایک گلاس میں دو سے تین چمچ املی کا پکا

ہوا رکب ڈالیں اور باقی گلاس ٹھنڈے یخ پانی سے بھریں اور برف ڈال کر نوش فرمائیں۔