سوشل میڈیا پر بہتر نیند کے لیے ایک پھل خوب وائرل ہورہا ہے جس کے بارے میں دعویٰ کیا جارہا ہے سونے سے قبل اس کا استعمال پرسکون نیند کا ضامن ہے اور وہ پھل ہے پائن ایپل جسے اردو میں انناس کہاجاتا ہے۔

لوگوں کی بڑی تعداد رات بستر پر کروٹ بدلنے، ذہن کو پریشان کن خیالات سے نجات دلانے کے لیے اور پرسکون نیند کے لیے انناس کا استعمال کر رہی ہے۔

سونے سے قبل انناس کا بطور اسنیکس استعمال ایک طرف تو  نیند کو بہتر بناتا ہے کیو نکہ اس میں میلاٹونن پایا جاتا ہے جبکہ دوسری جانب انناس میں موجود غذائی اجزاء  آپ کی صحت کو بہتر بنانے میں بھی اہم کردار ادا کرتے ہیں۔

نیند کے کوچ اور ہپنوتھراپسٹ ڈیو گبسن نے برطانیہ میں قائم ہیلتھ کمپنی وٹابائیوٹکس کو اپنے ایک انٹرویو میں کہا کہ انناس ایک ایسی غذا ہے جس میں قدرتی میلاٹونن کی مناسب مقدار موجود ہوتی ہے۔

نیشنل سینٹر فار کمپلیمنٹری اینڈ انٹیگریٹیو ہیلتھ کے مطابق میلاٹونن ایک ہارمون ہے جو دماغ اندھیرے کے جواب میں تیار کرتا ہے۔ یہ انسان کی بایولوجیکل کلاک یا ان کی 24 گھنٹے کی اندرونی گھڑی اور نیند کے ساتھ تعلق میں مدد کرتا ہے۔

حالیہ تحقیق کے مطابق، انڈے، مچھلی، گری دار میوے اور بعض پھل اور سبزیاں اس ہارمون کو بڑھانے کے لیے بہترین غذائی ذرائع ہیں۔

تاہم، بیننڈن ہیلتھ کی جانب سے ستمبر 2023 کی ایک رپورٹ میں انکشاف کیا گیا ہے کہ چاکلیٹ، آئس کریم، چپس، پنیر اور مصالحے دار کھانے جوکہ ذائقہ میں بے حد لذیذ ہوتے ہیں نیند میں کمی کا سبب بنتے ہیں۔

انناس میں موجود میلاٹونن خون کے دھارے میں شامل ہوکر دماغ میں داخل ہو جاتا ہے جہاں یہ جسمانی گھڑی کو دوبارہ ترتیب دینے میں مدد گار ثابت ہوتا ہے۔

اگر جسم میں موجود  پائنل غدود جو کہ میلاٹونن پیدا کرتا ہے یہ اس کا اخراج کم کر دے تو انناس کھانے سے کافی مدد مل سکتی ہے۔

ماہرین کے مطابق انناس جسم میں میلاٹونن کو 240 فیصد تک بڑھاتا ہے۔ یہی وجہ ہے کہ سونے سے پہلے انناس کھانے سے تیزی سے گہری پر سکون  نیند آنے میں مدد ملتی ہے۔

تاہم کچھ ماہر غذائیت کا کہنا ہےکہ ٹارٹ چیری میں کسی بھی پھل کی نسبت زیادہ میلاٹونن پایا جاتا ہے اور بہت سے لوگ سونے سے قبل بہتر نیند کے لیے چیری کا استعمال کرتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں