سوئٹزرلینڈ میں جاری لیک لوزن سمٹ میں امریکا اور ایران کے درمیان تکنیکی سطح کے مذاکرات کا آغاز ہو گیا ہے جس میں پاکستان اور قطر نے ثالثی کا کردار ادا کیا۔ اسلام آباد مفاہمتی یادداشت کے تحت ہونے والے اس اہم اجلاس میں فریقین کانفرنس ہال پہنچے۔
اجلاس میں وزیراعظم شہباز شریف، فیلڈ مارشل سید عاصم منیر اور قطری وزیراعظم محمد بن عبدالرحمان نے فریقین کا استقبال کیا۔
امریکی وفد کی قیادت نائب صدر جے ڈی وینس کر رہے ہیں، جبکہ وفد میں جیرڈ کشنر اور اسٹیو وِٹکوف بھی شامل ہیں۔ ایرانی وفد میں باقر قالیباف اور وزیر خارجہ عباس عراقچی شریک ہیں۔
غیر ملکی میڈیا کے مطابق مذاکرات کے پہلے دور میں تیل کی پابندیوں سے عارضی استثنیٰ پر بات ہوئی جبکہ لبنان پر اسرائیلی حملے ختم کرانے پر بھی بات ہو گی۔
اجلاس سے قبل میڈیا سے گفتگو کرتے ہوئے امریکی نائب صدر نے پاکستان کے کردار کو سراہا اور کہا کہ وزیراعظم شہباز شریف اور فیلڈ مارشل عاصم منیر کی سفارتی کوششیں قابلِ تحسین ہیں۔ انہوں نے کہا کہ مشرق وسطیٰ میں امن ان کی ترجیح ہے اور ایران کے ساتھ مثبت پیش رفت کے خواہاں ہیں۔
وزیراعظم شہباز شریف نے اپنے خطاب میں کہا کہ یہ عالمی امن کے لیے ایک اہم موقع ہے اور امریکا ایران مذاکرات دنیا کے لیے مثبت پیغام ثابت ہوں گے۔ انہوں نے اس عمل میں عالمی قیادت، خصوصاً سابق امریکی صدر ڈونلڈ ٹرمپ کی سفارتی کوششوں کو بھی اہم قرار دیا۔
اجلاس کو عالمی سفارتکاری میں ایک اہم پیش رفت قرار دیا جا رہا ہے، جہاں فریقین نے مکالمے اور تعاون کے ذریعے خطے میں استحکام کی امید ظاہر کی ہے۔
