شہرقائد آج مطلع جزوی ابر آلود اور موسم مرطوب رہے گا تاہم رات اور صبح کے اوقات میں بونداباندی کا امکان ہے۔
محکمہ موسمیات کے مطابق کراچی میں آج کم سے کم درجہ حرارت 27.8 ڈگری سینٹی ریکارڈ کیاگیا جبکہ ہوا میں نمی کا تناسب 74 فیصد ہے۔
شہرقائد کا موجودہ درجہ حرارت 29 ڈگری سینٹی گریڈ ریکارڈ کیا گیا جبکہ آج زیادہ سے زیادہ درجہ حرارت 33 تا 35 ڈگری سینٹی گریڈ تک رہنے کا امکان ہے۔
محکمہ موسمیات کا کہنا ہے کہ کراچی میں اس وقت جنوب مغربی سمت سے 15 کلومیٹر فی گھنٹہ کی رفتار سے ہوائیں چل رہی ہیں۔
