اسلام آباد: وفاقی وزیر داخلہ محسن نقوی نے دورہ ایران میں اہم پیشرفت کا دعویٰ کرتے ہوئے کہا ہے کہ فیلڈ مارشل سید عاصم منیر اور میری ایرانی صدر سے انتہائی مثبت اور نتیجہ خیز ملاقات ہوئی۔
وزیر داخلہ محسن نقوی نے اپنے ایکس اکاؤنٹ سے جاری بیان میں کہا ہے کہ ملاقات میں ایران امریکا تنازع، مشرق وسطیٰ میں کشیدگی اور آئندہ کے لائحہ عمل پر تبادلہ خیال کیا گیا۔
انہوں نے کہا کہ اسلام آباد مفاہمتی یادداشت کی بحالی کے لیے دونوں جانب سے ضروری اقدامات پر بھی بات ہوئی تاہم اسلام آباد ایم او یو کی بحالی تنازع کے جامع حل کی جانب پیش رفت کا باعث بن سکتی ہے۔
Field Marshal Syed Asim Munir and I had a very positive and productive meeting with the President of Iran. Our discussion focused on the Iran US conflict, tensions in the Middle East and the way forward, as well as the steps needed by both sides for restoration of the Islamabad… https://t.co/jt1wtlESCa
— Mohsin Naqvi (@MohsinnaqviC42) August 24, 2026
محسن نقوی نے بتایا کہ ملاقات میں زیر بحث امور پر انتہائی تعمیری تبادلہ خیال ہوا جبکہ ایرانی صدر نے اپنی حکومت کے مؤقف اور تحفظات کھل کر بیان کیے۔
وزیر داخلہ کا مزید کہنا تھا کہ ملاقات میں اہم پیش رفت ہوئی اور بات چیت انتہائی مثبت ماحول میں اختتام پذیر ہوئی، امید ہے یہ پیش رفت مزید پیش رفت اور خطے میں دیرپا امن کی راہ ہموار کرے گی۔
واضح رہے کہ امریکا ایران تنازعہ کے خاتمے، پائیدار امن اور خطے میں استحکام کے لیے پاکستان کی سفارتی کوششوں کے تحت فیلڈ مارشل عاصم منیر اور وزیر داخلہ محسن نقوی نے تہران کا دورہ کیا اور مزید کشیدگی روکنے کے اقدامات پر ایرانی صدر مسعود پزشکیان سے تفصیلی گفتگو کی۔
