مسلم لیگ (ن) کی نائب صدر مریم نواز نے انتخابی مہم کے جلسے سے خطاب کرتے ہوئے کہا ہے کہ میری رگوں میں خالص کشمیری خون ہے، آپ سب کو کشمیرکے بیٹے نوازشریف اورشہبازشریف کی طرف سے سلام ہو۔
جلسے سے خطاب کرتے ہوئے ان کا کہنا تھا کہ جس محبت سے آپ نے استقبال کیا ہے میں آپ سب کی مشکورہوں جبکہ یہاں ہرطرف عوام کا جم غفیرنظرآرہا ہے ، کشمیر کے نعرے لگاتی ہوں تو رونگٹے کھڑے ہوجاتےہیں۔
ان کا کہنا تھا کہ اسلام آباد ہائیکورٹ میں پیشی تھی ، میں جانتی ہوں اسکا نقصان ہوسکتا ہے لیکن عدالت بےشک ناراض ہوجائے میں کشمیرکےعوام سے ملے بغیرنہیں جاؤں گی۔
مریم نواز نے کہا کہ نوازشریف کا نام سنتے ہی عمران خان پرکپکپی طاری ہوجاتی ہے، نوازشریف کوبیٹے سے تنخواہ نہ لینے کے مضحکہ خیزالزام میں نکالا گیا ہے جبکہ نوازشریف کوجیل میں قتل کرنے کی بھی سازش کی گئی ہے۔
انہوں نے کہا کہ عمران خان کی صبح اورشام نوازشریف سےشروع ہوتی ہے ،ان کی نوازشریف سے جان نکلتی ہے جبکہ کابینہ اجلاس میں عوام کی فلاح کی بات نہیں کی جاتی ہے۔
جلسے سے خطاب میں مریم نواز نے مزید کہا کہ کابینہ اجلاس میں نوازشریف کوروکنے کی منصوبہ بندی کی جاتی ہے، پلاننگ کرنے سے نوازشریف کوروکتے توانکا کوئی نام ونشان نہ ہوتا۔
انہوں نے کہا کہ نوازشریف لندن سے بیٹھ کرانکے گھرمیں گھس کر انہیں مارتے ہیں۔
نوازشریف کووزارت عظمیٰ سے ہٹا دیا گیا اور ان پر مقدمات بنائے گئے ہیں۔
ان کا کہنا تھا کہ نوازشریف کے”ووٹ کوعزت دو”کا بیانیہ کشمیرمیں بھی پہنچ گیا ہے، آزاد کشمیرکی وادیوں میں بھی ووٹ کوعزت دوکا نعرہ گونج رہا ہے۔
مریم نواز کا کہنا تھا کہ الیکشن میں شکست نظرآئی تو انتخابی اصلاحات یاد آگئی جبکہ عوام کی طاقت ہی انتخابی اصلاحات ہیں۔
انہوں نے مزید کہا کہ نیا نعرہ ہے”جب آیا ہےعمران تو بکے گا سارا پاکستان” ، عمران خان کشمیرکے پہاڑوں کوبھی آئی ایم ایف کے حوالے کر دیگا۔
انہوں نے کہا کہ پٹرول کی قیمت میں11 روپے فی لیٹراضافے کی سفارش کی گئی ہے جبکہ پٹرول کی قیمتوں میں اضافے سے آٹے اور چینی کی قیمتوں میں بھی اضافہ ہوگا لیکن قیمتوں کاعمران خان پرفرق نہیں پڑتا کیونکہ وہ سائیکل پرجاتے ہیں۔
مریم نواز نے خطاب کرتے ہوئے یہ بھی کہا کہ نوازشریف کے خلاف طرح طرح کی سازشیں ہوئی ہیں جبکہ کشمیر کے چپے چپے پرنوازشریف کا نام لینے والے موجود ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News