محکمہ موسمیات نے 16 سے 25 جنوری تک شدید سردی کی پیشگوئیوں کو مسترد کردیا۔
محکمہ موسمیات کے مطابق پاکستان میں کسی غیر معمولی یا ریکارڈ توڑ سردی کی لہر کا امکان نہیں ہے، اور موسمیاتی ماڈلز کے مطابق درجہ حرارت معمول کی حد میں رہیں گے۔
محکمہ موسمیات نے سوشل میڈیا پرآنے والی شدید سردی کی پیشگوئیاں گمراہ کن اور غیر تصدیق شدہ قرار دیتے ہوئے کہا کہ ریکارڈ توڑ یا تاریخی سردی کی کوئی پیشگوئی نہیں کی گئی ہے، اور عوام صرف سرکاری موسمیاتی اطلاعات، وارننگز اور ایڈوائزریز پر ہی انحصار کریں۔
یہ بھی پڑھیں: کراچی میں سردی کی شدت کب تک برقرار رہے گی؟ محکمہ موسمیات نے بتادیا
محکمہ موسمیات نے عوام سے اپیل کی کہ غیر تصدیق شدہ موسمی اطلاعات پھیلانے سے گریز کریں، جبکہ ملک بھر میں شدید یا وسیع پیمانے پر غیر معمولی سردی کا کوئی امکان نہیں۔
شہر قائد میں آج کم سے کم درجہ حرارت 9 ڈگری رہا، جبکہ زیادہ سے زیادہ درجہ حرارت 24 ڈگری تک رہنے کا امکان ہے۔
