معاون خصوصی برائے اطلاعات و نشریات ڈاکٹر فردوس عاشق اعوان کہتی ہیں کہ تبدیلی کی لہر مافیا کو روندتی ہوئی آگے بڑھ رہی ہے۔

سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں انہوں نے لکھا ہے کہ کے پی کے، وفاق ، پنجاب،گلگت بلتستان ،آزاد کشمیر اور اب پی پی 38 میں کپتان نے مافیا کی بینڈ بجادی ہے ، آج قوم کو برسوں لوٹنے والے مافیازکے بت پاش پاش ہو رہے ہیں۔

تبدیلی کی لہر مافیا کو روندتی ہوئی آگے بڑھ رہی ہے۔کے پی کے,وفاق,پنجاب,گلگت بلتستان,آزاد کشمیر اور اب پی پی 38 میں کپتان نے مافیاکی بینڈبجادی ہے۔قوم کو برسوں لوٹنے والےمافیازکےبت پاش پاش ہو رہےہیں۔غنڈےچورلٹیرےتبدیلی کی زدمیں آکر ریزہ ریزہ ہوگئےہیں۔پی ٹی آئی پورے ملک میں چھاگئی ہے

Advertisement

— Dr. Firdous Ashiq Awan (@Dr_FirdousPTI) July 29, 2021

انہوں نے مزید لکھا کہ غنڈے ، چوراور لٹیرے تبدیلی کی زد میں آکر ریزہ ریزہ ہوگئے ہیں جبکہ پی ٹی آئی پورے ملک میں چھا گئی ہے۔

ڈاکٹر فردوس عاشق نے یہ بھی لکھا کہ تبدیلی کا سفر تب تک جاری رہے گا جب تک ملک کے کونے کونے سے قوم کا خون چوسنے والے مافیاز کے خاتمے نہیں ہوجاتا۔

تبدیلی کاسفر جاری ہے,ملک کےکونےکونے سے قوم کا خون چوسنے والے مافیاز کے خاتمے تک جاری وساری رہےگا۔پی پی 38 کی جیت سے واضح ہوچکا ہےکہ ن لیگ کا پنجاب سے صفایا ہوگیا۔وزیراعظم عمران خان اور وزیراعلی عثمان بزدار ملک میں حقیقی تبدیلی لارہے ہیں۔شکریہ اہل سیالکوٹ,شکریہ پی پی38کی غیور عوام

— Dr. Firdous Ashiq Awan (@Dr_FirdousPTI) July 29, 2021

واضح رہے کہ انہوں نے یہ بھی لکھا کہ وزیراعظم عمران خان اور وزیراعلی عثمان بزدار ملک میں حقیقی تبدیلی لارہے ہیں۔